မြသန်းတင့် -ကျွန်တော်နှင့် ဂျာနယ်ကျော်မမလေး ( ၂၃)

August 10, 2010 at 2:00 pm Leave a comment

ကျွန်တော်သည် အမျိုးသားတွေကြားထဲတွင် တစ်ယော်ထည်း အလုပ်လုပ်နေသော ဂျာနယ်ကျော်မမလေး ကိုကြည့် ၍ အံ့သြနေသည်။

သူ့ ဘေးက မှန်ဗီိရိုထဲတွင် ဂျပန်ကုမ္ပဏီများမှ ပေးပို့ သောအလှကုန်ပစ္စည်းနမူနာတွေ အလှပြထားသည်။

လက်သည်းဆိုးဆေးများ၊နှုတ်ခမ်းဆိုးဆေးများ၊မျက်တောင်ကော့သည့်ဆေးများ၊မက်စကာရာပုလင်းများ၊မျက်တောင်ကော့သည့်စုတ်တံများ။
ဂျာနယ်ကျော်မမလေး သည် ဂျပန်အလှကုန် ကြေငြာကတ်တလောက် စာအုပ်တစ်အုပ်ကိုလှန်ပြရင်း ဂျပန်အလှကုန်များအကြောင်းကို ပြောနေသည်။ သူသည် သူလုပ်သည့် လုပ်ငန်းတစ်ခုကို စိတ်ပါလက်ပါလုပ်တတ်သည်ဟု ကျွန်တော်မှတ်သားထားလိုက်သည်။

အသင်းအပင်းအရေး၊အဖွဲ့ အစည်းအရေးတွင်လည်း ဂျာနယ်ကျော်မမလေးသည် မမောနိုင်၊မပန်းနိုင်၊မအိပ်မနေ အလုပ်လုပ်တတ်သူဖြစ်သည်။

၁၉၅၁ မှ ၁၉၅၃ ခုနှစ်ကြားတွင် ဂျာနယ်ကျော်မမလေး သည် ကျွန်တော်တို့ တတွေနှင့်အတူ စာရေးဆရာအသင်းအမှုဆောင်ဖြစ်လာသည်။ ထိုအထဲတွင်လည်း အမျိုးသမီးဆို၍ သူတစ်ယောကထည်း။

၁၉၅၀ ပြည့်နှစ်တွင် စာရေးဆရာအသင်းမှ နတ်သျှင်နောင် ပြဇတ်ကသည်။ ဂျာနယ်ကျော်မမလေး မှာ ထိုစဉ်က ငွေထိန်းဖြစ်ရာ အသင်းရန်ပုံငွေရရေး၊ပြဇတ်မှ အမြတ်ရရေးသည် သူ့ခေါင်းပေါ်တွင် ပုံကျနေသည်။ ဂျာနယ်ကျော်မမလေး သည် ကားတစ်စီးဖြင့် ရန်ကုန်တစ်မြို့လုံး လှည့်လည်၍ သီးသန့် လက်မှတ်တွေကိုရောင်းသည်။ ဂျာနယ်ကျော်မမလေး သည် ၀န်ကြီးများ၊ကုန်သည်ကြီးများ၊ အရာရှိကြီးများ၊လုပ်ငန်းရှင်ကြီးများ ထံနေ့တိုင်းသွား၍ တစ်အိမ်တက်ဆင်းလက်မှတ်ရောင်းနေသည်။

မနက်စာကို ကြုံရာတွင် စားသည်။ အစားအသောက်တွင် အလွန်ဇံရွေးသည့်သူ ၊အသန့်အပြန့် ကြိုက်သူ၊ဓာတ်စာကိုစားသူသည် ရွေးမနေတော့။ ကြုံရာမှဖြစ်သလိုစားသည်။ သူစား၍ မရလျှင် ဘာကိုမျှမစားတော့ပဲအငတ်ခံသည်။ ဂျာနယ်ကျော်မမလေး သည် အပြင်မှာဆိုလျှင် ရေကိုပင်မသောက်။ သွားလေရာရာတွင် ဆိုဒါပုလင်း၊လင်မနစ်ပုလင်း အမြဲပါတတ်သည်။

တစ်ခါတွင် သူ၊ ကျွန်တော်နှင့် မောင်နေ၀င်းသို့ မအူပင်သို့ စာပေဟောပြောပွဲခရီးသွားကြရာ ကျွန်တော်နှင့် မောင်နေ၀င်းမှာ တစ်လမ်းလုံး ဆော်ဒါပုလင်း တစ်ဒါဇင်၊နှစ်ဒါဇင် ထည့်ထားသည့်သူ့ ကြိမ်ခြင်းကြီးကို ဆွဲနေရသည်။

နတ်သျှင်နောင် ပြဇတ်တွင် စာရေးဆရာအသင်းသည် ရန်ပုံငွေ အမြတ်တွေအများကြီးရလိုက်သည်။ ဂျာနယ်ကျော်မမလေး ရောင်းပေးသော လက်မှတ်ကိုက မနည်း။ တစ်စောင်တစ်ရာဖြင့် အစောင်သုံးရာလောက် ရောင်းရသည် ထင်သည်။ ကျန်သည့် ၀င်ငွေမှာ ပြဇတ်စရိတ်ထဲ ပါသွားပြီး သူရောင်းပေးသည့် ငွေသုံးသောင်းကျော်မှာ အသင်းရန်ပုံငွေဖြစ်လာသည်။

ဂျာနယ်ကျော်မမလေး သည် လက်မှတ်တွေကို အပြင်မှာသာ လိုက်ရောင်းသည် မဟုတ်။ ပြဇတ်ရုံတွင်လည်း စခန်းချရုံးခန်းဖွင့်ထားပြီး လက်မှတ်ရောင်းပြန်လာလျှင်လည်း ပြဇတ်ရုံလက်မှတ်ရောင်းသည့် အခန်းကလေးထဲသို့ ၀င်၍ ကိုယ်တိုင်လက်မှတ်ရောင်းလိုက်သေးသည်။

နောင်နှစ် မြ၀တီပြဇတ်နှင့် တောင်သမန်လယ်စားမောင်ဖေငယ် ပြဇတ်တို့ တွင်လည်း ထို့အတူပင်။ လက်မှတ်တွေရောင်းနေသည့်ကြားထဲက လက်မှတ်မရ၍ ဆူပူကြိမ်းမောင်းသွားသူ၊ နေရာကောင်းမရ၍ ငြူစူသူတို့ကိုလည်း ကျေနပ်အောင် သူရှင်းပြသည်။

မြ၀တီပြဇတ်နှင့် တောင်သမန် လယ်စားမောင်ဖေငယ် ပြဇတ်တို့တွင် အမြတ်ထွက်ခြင်းမှာ ဂျာနယ်ကျော်မမလေး ၏ ကူညီမှု အများကြီးပါသည်။

စာရေးဆရာအသင်းကို ကျွန်တော်တို့ စွန့် ခွာခဲ့သည့်အခါ တွင်လည်း ဂျာနယ်ကျော်မမလေး သည် ကျွန်တော်တို့  နှင့် အတူပါလာခဲ့သည်။ စာပေကလပ်ကို တည်တောင်လိုက်သည့် အခါတွင် သူ့ကိုပင် အထွေထွေအတွင်းရေးမှုးတင်မြှောက်လိုက်ကြပြီး သူ့ ရုံးခန်းမှာပင် ကျန်စာပေ ကလပ်ရုံးခန်းကို ဖွင့်လှစ်ခဲ့ကြသည်။ အစည်းအဝေးလုပ်လျှင်လည်း သူ့ ရုံးခန်း သို့ မဟုတ် သူ့ အိမ်တွင်ပင်လုပ်ကြသည်။ သူ့ အိမ်တွင်လုပ်လျှင် စားရေးသောက်ရေးကအစ ဘာမျှ မပူရ။ ကျွန်တေ်ာတို့ အစည်းအဝေးများမှာ တစ်ခါတစ်ရံတွင် ညည့်နက်သန်းခေါင်မှ ပြီးတတ်ရာ အပြန်ဘတ်စကားမရှိလျှင် သူ့ ကားဖြင့် လိုက်ပို့ ပေးလိုက်သေးသည်။

နောက်ပိုင်းတွင် ဂျာနယ်ကျော်မမလေး သည် တင်လှိုင်ကုမ္ပဏီကို ဖျက်သိမ်းလိုက်ပြီး ပန်းဆိုးတန်းတွင် မမလေးအင်ကုမ္ပဏီကို တည်ထောင်ပြန်သည်။ တင်လှိုင် ဆိုသည့်အမည်ကို သူမသုံးတော့။ ဒေါ်တင်လှိုင်မှာ စနေဓာတ်ဖြစ် ၍ သူ့ ဓာတ်နှင့် မကိုက်။ သူ့ ဓာတ်မှ လဓာတ်ဖြစ်သည်။ မမလေး မှာြ့ကာသပတေးနံဖြစ်ပြီး လဓာတ်နှင့်ကိုက်သည်။ ထို့ ကြောင့် ဂျာနယ်ကျော်မမလေး သည် တင်လှိုင်ဟူသော အမည်ကို လုံးဝဖျောက်ပစ်လိုက်ကာ ကလောင်နာမည်ကိုရော၊အပြင်နာမည်ကိုပါ မမလေး ဟူသောအမည်ကိုပြောင်းလိုက်သည်။ တစ်ခါတွင် သံအမတ်ဟောင်း ဦးအုန်းက ဒေါ်တင်လှိုင် ဟုခေါ်ရာ ဒေါ်မမလေးသည် မျက်နှာပျက်လျက် “ဦးအုန်း ..ကျွန်မကို ဒီနာမည်မခေါ်ပါနဲ့။ သေစေချင်လို့ ဒီနာမည်ကိုခေါ်တာလား။ ကျွန်မနာမည် မမလေးပါ ။ ပြောင်းထားပြီးပြီပဲ “ဟု မျက်နှာထားဖြင့်ပြောသည်ကို ကျွန်တော်တွေ့ ဖူးကြောင်း ယခင်ဆောင်းပါးများမှာ ဖော်ပြခဲ့ပါပြီ။

ဂျာနယ်ကျော်မမလေး သည် ပညတ်တွင် ထိုမျှအထိ ပြင်းပြင်းထန်ထန်စွဲသွားလေသည်။ သူမသည် သူ့တီဘီရောဂါကို မြန်မာ့တိုင်းရင်းဆေး တစ်နည်းဖြစ်သော နေလ၀ိဇ္ဖာနည်းဖြင့် ကုခဲ့ရာ ထိုကုထုံးမှအပ အခြားမည်သည့် အင်္ဂလိပ်-မြန်မာ ကုထုံးကိုမှ ယုံကြည်ခြင်းမရှိတော့။

ကျွန်တော် က ထိုမျှ အစွဲအလမ်းမကြီးရန်ပြောသည်။

“ရှင်တို့လည်း ရှင်တို့ အင်္ဂလိပ်ဆေးတွေ အစွဲကြီးတယ်မလား။ ရှင်တို့က အနောက်တိုင်းဆေးနည်းကမှ သိပ္ပံနည်းကျတယ်ထင်နေကြတယ်။ အခု ကျွန်မတို့ မြန်မာတိုင်းရင်းဆေးနည်းကလည်း သိပ္ပံနည်းကျတာပါပဲ။ဓာတ်စာစားပြီးကုတဲ့နည်းက ပိုတောင်သိပ္ပံနည်းကျသေးတယ်။”

ဂျာနယ်ကျော်မမလေး သည် သူ့တိုင်းရင်းကုထုံးနည်းကို နည်းနည်းမျှ ဝေဖန်မခံပါ။ ဝေဖန်လိုက်သည်နှင့် ဆူညံစွာ ကန့် ကွက်လေ့ရှိပါသည်။

နောက်တော့ ကျွန်တော်တို့ ကလည်း ဘာမျှမပြောတော့ပါ။

သူ့ တိုင်းရင်းကုထုံးကို သူသာမကာ သူ့မောင် ကိုတင်ဝင်း၊သားကိုသိန်းတန်နှင့် မောင်မိုးဟိန်း တို့ကလည်း တော်တော်ယုံကြည်ကြပါသည်။

“ကျွန်မရောဂါကို ကျွန်မပျောက်အောင်ကုခဲ့ပြီးပြီရှင့် ။ အဲဒါ သက်သေမဟုတ်ဘူးလား။ “ဟု သူပြောတတ်သည်။

Entry filed under: ဂျာနယ်ကျော်မမလေး, မြသန်းတင့်-ကျွန်တော်နှင့် ဂျာနယ်ကျော်မမလေး. Tags: .

The Hours … သီတို့ ရွှာ အဖော်၊အထီးကျန်တိတ်ဆိတ်မှုနှင့် အနုပညာ(၁)- ဂျူး

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Favorite piece of quotes

Voici mon secret. Il est très simple: On ne voit bien qu'avec le cœur. L'essentiel est invisible pour les yeux.

Here is my secret. It is very simple: It is only with the heart that one can see truly; what is essential is invisible to the eyes.

Le Petit Prince (1943) by Antoine de Saint Exupéry

လတ်တလောရေးထားတာလေးတွေ

ပထမဆုံးမြင်ဖူးတဲ့ ဂျာနယ်ကျော်မမလေးပုံ

ရှုမ၀မဂ္ဂဇင်း

  • 34,436 hits

%d bloggers like this: