မြသန်းတင့် -ကျွန်တော်နှင့် ဂျာနယ်ကျော်မမလေး ( ၂၂ )

August 6, 2010 at 3:07 pm Leave a comment

ကျွန်တော်သည် ဂျာနယ်ကျော်မမလေးကို ကြည့်၍ အံ့အားသင့်နေသည်။ သူသည် အလုပ်တစ်ခုကိုလုပ်လျှင် စိတ်ရော ကိုယ်ပါ လုပ်တတ်သည်။ ထိုကာလအတွင်း၌ ဂျာနယ်ကျော်မမလေးသည် အဘအိုင်ကလောင်ဆရာကြီးထံတွင် ဆေးပညာဆည်းပူးသည်။ သူ့အိမ်မှာပင် ဆေးချက်သည်။ တစ်နေ့တွင် သူဆေးချက်ရာသို့ လိုက်ကြည့်ပါဟု ခေါ်သဖြင့် ကျွန်တော်လိုက်ကြည့်သည်။ ဆေးမြစ်တွေ၊ဆေးရွက်တွေ၊ဆေးဖက်ဝင်ပစ္စည်းတွေကို အိုးကြီးတစ်လုံးထဲ ထည့်ပေါင်းပြီး ထိုအိုးမှ ကျလာသော ပေါင်းရည်ကိုခံယူသည်။

သူ့ဆေးထဲတွင် ရှောက်ဦးခွံတွေ၊ ဆေးမြစ်တွေ၊အခေါက်တွေ တွေ့  ရသည်။ ထိုနောက် ဂျပ်စက္ကူဘူး လှလှကလေးထဲမှ ပန်းစက္ကူလေးတွေကို ချေမွကိုက်ညှပ်ထားသလို သေးသေးမျှင်မျှင်ပစ္စည်းတွေကို ထုတ်ယူသည်လည်း မြင်ရသည်။ ကျွန်တော်က မေးကြည့်သည့်အခါတွင်

“ဒါက ကုက္ကမံရှင့်။ ကုက္ကမံမှာ နှစ်မျိုး ရှိတယ်။ အီတလီကလာတဲ့ ကုက္ကမံနဲ့ တရုတ်ကလာတဲ့ ကုက္ကမံ။ သိပ်ဈေးကြီးတယ်။ တစ်ကျပ်သားကို တစ်ရာလောက်ပေးရတယ်။ တရုတ်ကလာတဲ့ ကုက္ကမံကတော့ နဲနဲဈေးပေါတယ်။ ရှင်လဲသောက်ပါ။” ဟု ဆိုကာ ကျွန်တော့်အတွက် တစ်လလျှင် လ ဓာတ်ဆေးရည်တစ်ပုလင်းပေးသည်။ ဓာတ်စာအတွက် အသင့်ရိုက်ထားသော ဓာတ်စာစာရင်းကိုလည်း ပေးလိုက်သည်။

ဂျာနယ်ကျော်မမလေး၏ ဓာတ်စာများသည် ဈေးမကြီးပါ။ ဈေးလည်းပေါပါသည်။ အမျိုးအမည်လည်း များပါသည်။ ထိုအထဲမှ ကြိုက်ရာကို စားနိုင်ပါသည်။ သို့ ရာတွင် ကျွန်တော်သည် သူ့ စာရင်းအတိုင်း အတိအကျ မလိုက်နာနိုင်ပါ။ အိမ်မှာနေသည့် အခါတွင်လည်း ကြုံသလိုစားလိုက်ပါသည်။ ခရီးသွားသည့်အခါတွင် ပို၍ မရှောင်နိုင်တော့ပါ။

သို့ရာတွင် သူပေးလိုက်သည့် ဓာတ်ဆေးရည်ကိုမူ ကျွန်တော်အမြဲသောက်ပါသည်။ သူပေးလိုက်သည့် ဓာတ်ဆေးရည်မှာ ၀ိုင်အရက်လို ချိုမြပူနွေး ရှတနေသော ဆေးရည်ဖြစ်သဖြင့် ထမင်းမစားမီသောက်လိုက်ပါက ထမင်းစားပိုကောင်း သည်မှာလည်း အမှန်ပင်ဖြစ်ပါသည်။

နောက်ပိုင်းတွင် ဂျာနယ်ကျော်မမလေးသည် ပုံနှိပ်လုပ်ငန်းကို သူ့သားမောင်သိန်းတန်နှင့်သာလွဲထားလိုက်ကာ ဘားလမ်းတွင် ရုံးခန်းတစ်ခန်းဖွင့်ပြီး ဆေးဘက်ကိုလှည့်သွားပါသည်။ ဘားလမ်းသို့ သူရောက်လာသည့် အခါတွင် ကျွန်တော်တို့  အတွက် ပို၍ပင် အဆင်ပြေသွားသေးသည်။ မြို့ ထဲရောက်လျှင် သူ့ ရုံးခန်းမှာစတည်းချသည်။ တွေ့ စရာရှိသူများကို သူ့ ရုံးခန်းမှာချိန်းသည်။

၁၉၅၈ နောက်ပိုင်းတွင် ကမ္ဘာ့ငြိမ်းချမ်းရေး ကွန်ဂရက် (မြန်မာနိုင်ငံ) တွင် ကျွန်တော် အထွေထွေအတွင်းရေးမှုးဖြစ်လာ သည့်အခါတွင် ကျွန်တော်သည် ကမ္ဘာ့ငြိမ်းချမ်းရေး ကွန်ဂရက် ရုံးခန်းကို သူ့တိုက်မှာပင် ဖွင့်ခဲ့လေသည်။ သူသည် ထိုစဉ်က မြန်မာနိုင်ငံစာပေကလပ် အတွင်းရေးမှုးဖြစ်သဖြင့် ပို၍ အဆင်ပြေနေသည်။ အစည်းအဝေးများကို သူ့ရုံးခန်းမှာပင်လုပ်ကြ သည်။ အစည်းအဝေးတိုင်းမှာပင် သူက ဒိုင်ခံကျွေးမွေးခဲ့လေသည်။

၁၉၅၈ တစ်ပိုက်လောက်တွင် ဂျာနယ်ကျော်မမလေးသည် ဘောက်ထော်အိမ်ကလေးကို ပြင်ဆောင်မည် ဆိုကာ မြေနီကုန်း ဆန်းသီရိရုံအနီးက လမ်းကြားလေးထဲတွင် ခေတ်မီတစ်ထပ်တိုက် ကလေးကို ငှားလိုက်သည်။

သူပြောင်းသည့်အခါတွင် ကျွန်တော် နှင့် ဒဂုန်တာရာကို ထမင်းဖိတ်ကျွေးသဖြင့် ကျွန်တော်တို့ ရောက်သွားကြသည်။ ထိုစဉ်ကမူ ခေတ်မီသော တစ်ထပ်တိုက်အိမ်ကလေးဖြစ်ပြီး တစ်လလျှင် အိမ်လခ သုံးရာကျပ်ပေးရလေသည်။ ထိုလခသည် ထိုအချိန်က သံရုံးများမှပေးသော အိမ်လခ ဖြစ်လေသည်။ သူနှင့် ကပ်လျက်တွင သံရုံးတစ်ရုံးမှ အရာရှိတစ်ဦးလည်း သူ့လို အိမ်မျိုးလေးတစ်လုံးကို ငှားနေသည်။

အခန်း (၁၁)

ကွိဒ် သည် ဂျာနယ်ကျော်ဦးချစ်မောင်အပေါ်တွင်သာ အရိပ်ထိုးနေသည် မဟုတ်။ ကွိဒ်ထဲမှ ရှာလီဝေလင်သည်လည်း ဂျာနယ်ကျော်မမလေးအပေါ်တွင် အရိပ်ထိုးနေလေသည်။

ကွိဒ်ထဲမှ ရှာလီဝေလင်သည် ထက်မြက်သော အမျိုးသမီး၊အများအကျိုးကိုဆောင်ရွက်လိုသော အမျိုးသမီး၊ ယောကျာ်းများ နှင့် ရင်ဘောင်တန်းနိုင်သော အစွမ်းသတ္တိရှိသော အမျိုးသမီးဖြစ်သည်။ ဂျာနယ်ကျော်မမလေးသည် ရှာလီဝေလင် ၏ ထိုအရည်အချင်းများကို သဘောကျဟန်တူသည်။ ထိုအရည်အချင်းများရှိအောင်လည်း သူကြိုးစားသည်။

ကျွန်တော်သည် ကုန်သည်လမ်း ၅၅၅ ရှိ တင်လှိုင်ကုမ္ပဏီဟု ဆိုင်းဘုတ်တပ်ထားသည့် တိုက်ဝါ၀ါကြီးပေါ်သို့ ရောက်သွား တတ်သည်။ တိုက်ခန်းကြီးမှာ အကျယ်ကြီးဖြစ်ပြီး အခန်းကျယ်ကြီးတွင်သုံးထပ်သား လိုက်ကာလေးများနှင့် အခန်းတွေဖွဲ့ ထားသည်။ အများအားဖြင့် သွင်းကုန်ထုတ်ကုန်လိုင်စင်ရထားသည့် ကုမ္ပဏီများဖြစ်သည်။ အချို့ အမည်များမှာ အမျိုးသားအမည်၊အချို့ မှာအမျိုးသမီးအမည်။

အမျိုးသားအမည်များတပ်ထားသည့် ရုံးခန်းများထဲတွင် မြန်မာအမျိုးသားများနှင့် တိုင်းခြားအမျိုးသားများ၊ ပြောင်လက်သည့်စားပွဲကြီးများနှင့် သူတို့ အခန်းဝတွင် စာရေးစာချီတို့ ၏ စားပွဲငယ်ကလေးများကတန်းစီလျက်။

အမျိုးသမီးဆိုင်းဘုတ်တပ်ထားသည့် ရုံးခန်းများထဲတွင်လည်း တိုင်းခြားအမျိုးသားများနှင့် မြန်မာအမျိုးသား အမျိုးသမီး ရယ်လို့ မရှိ။ အမျိုးသားတွေသာဖြစ်သည်။ လက်နှိပ်စက်စာရေး၊စာပေးစာယူကိုင်သည့် စာရေး၊ ရုံးစေတို့ မှာအမျိုးသား တွေချည်းသာဖြစ်သည်။

ထိုအထဲတွင် ဂျာနယ်ကျော်မမလေး တစ်ယောက်ထည်း။

Entry filed under: ဂျာနယ်ကျော်မမလေး, မြသန်းတင့်-ကျွန်တော်နှင့် ဂျာနယ်ကျော်မမလေး. Tags: .

မြသန်းတင့် -ကျွန်တော်နှင့် ဂျာနယ်ကျော်မမလေး ( ၂၁) The Hours … သီတို့ ရွှာ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Favorite piece of quotes

Voici mon secret. Il est très simple: On ne voit bien qu'avec le cœur. L'essentiel est invisible pour les yeux.

Here is my secret. It is very simple: It is only with the heart that one can see truly; what is essential is invisible to the eyes.

Le Petit Prince (1943) by Antoine de Saint Exupéry

လတ်တလောရေးထားတာလေးတွေ

ပထမဆုံးမြင်ဖူးတဲ့ ဂျာနယ်ကျော်မမလေးပုံ

ရှုမ၀မဂ္ဂဇင်း

  • 34,436 hits

%d bloggers like this: