မြသန်းတင့် -ကျွန်တော်နှင့် ဂျာနယ်ကျော်မမလေး ( ၁၀)

June 17, 2010 at 12:45 am Leave a comment

ဆရာဦးချစ်မောင် နှင့် မြန်မာ့အလင်း

ကိုမြသန်း၏ ဆောင်းပါး တွင် ဝေလမင်းသား နန်းစွန့်သည့် သတင်းကို အစိုးရက ထုတ်ပြန်ခြင်းမပြုမီ သတင်းစာထဲတွင်ထည့်သွင်းမိသဖြင့် မြန်မာ့အလင်းသတင်းစာတိုက်ကို အစိုးရက အာမခံတောင်းရာ မြန်မာ့အလင်းက အာမခံပေးရန် ငြင်းဆန်ခဲ့သဖြင့် သတင်းစာတိုက်ကို ပိတ်လိုက်ရသည်။ ဤတွင်ဦးချစ်မောင်လည်း အလုပ်လက်မဲ့ဖြစ်သွားလေသည်။ ဦးချစ်မောင်သည် သူကိုယ်တိုင်ကြီးကြပ်၍ ဂျာနယ်တစ်စောင် ထုတ်ဝေခဲ့သည်။ ယင်းမှ ဂျာနယ်ကျော် ဖြစ်လေသည် ဟု ရေးသားဖော်ပြခဲ့ပါသည်။

တကယ့်ဖြစ်ရပ်မှန်မှာ ထိုအတိုင်းမဟုတ်ခဲ့ပါ။

အက်ဒွပ်ဘုရင် နန်းစွန့်လိုက်ပြီဟု မြန်မာ့အလင်းက ဦးဦးဖျားဖျားထည့်လိုက်သော သတင်းကြောင့် အစိုးရအဖွဲ့အတွင်းတွင် လှုပ်လှုပ်ရှားရှား ဖြစ်သွားကာ ထိုသတင်းကို ဘယ်ကရသလဲ ဟုမေးပါသည်။ သတင်းစာများရိုသေလိုက်နာကြစမြဲ ကျင့်ဝတ်အတိုင်း ဆရာဦးချစ်မောင်က သတင်း၏ အခြေအမြစ်ကို ထုတ်ဖော်ဖို့ ငြင်းဆန်ခဲ့ပါသည်။ ကျွန်တော်တို့ သိရသလောက် အစိုးရအဖွဲ့သည် ဗြိတိသျှဘုရင် ထီးနန်းစွန့်ပြီ ဆိုသော သတင်းကို ဘိလပ်မှ တရားဝင် ရရှိသေးခြင်းမရှိသဖြင့် မြန်မာ့အလင်းသတင်းစာကိုဖတ်ရသောအခါ အလွန်အံ့သြပြီး ထိတ်လန့် သွားခဲ့ခြင်း ဖြစ်ပါသည်။

“သတင်းအခြေအမြစ် မဖော်ထုတ်လျှင် သတင်းစာတိုက်အား အာမခံတောင်းရလိမ့်မည်“ ဟုခြိ်မ်းခြောက်ပါသည်။ မြန်မာ့အလင်းက ဘူးခံနေ သောအခါ အာမခံတောင်းပါတော့သည်။ ယင်းအာမခံငွေကို မြန်မာ့အလင်းက တင်လိုက်ပါသည်။ ကိုမြသန်းရေးသလို “အာမခံ မတင်“ ဆိုခြင်းမှာမမှန်ပါ။ သတင်းစာတိုက်ကို ပိတ်လိုက်ရသည်ဆိုခြင်းမှာလည်း မမှန်ပါ။ ဆက်လက်ထုတ်ဝေမြဲ ထုတ်ဝေခဲ့ပါသည်။ သို့ဖြစ်၍ ဆရာဦးချစ်မောင်လည်း အလုပ်လက်မဲ့ဘ၀ သို့ မရောက်သွားခဲ့ပါ။ တကယ့်အမှန်ဖြစ်ရပ်မှာ ထိုအတိုင်းဖြစ်ပါသည်။ အစိုးရအဖွဲ့ သည် ဘုရင်နန်းစွန့် ခြင်း သတင်းကို မြန်မာ့အလင်းက ဤနိုင်ငံတွင် ဦးဦးဖျားဖျားဖော်ပြပြီးနောက် ဘိလပ်အစိုးရထံမှ တရားဝင် ရရှိခဲ့ပါသည်။ ကမ္ဘာ့ကြေးနန်း ဌာနအသီးသီးမှလည်း ထိုအခါကျမှ တရားဝင်သတင်း ထုတ်ပြန်နိုင်ခဲ့ကြပါသည်။

ကြားဖြတ်မှတ်ချက်

မြန်မာနိုင်ငံ အစိုးရအဖွဲ့ ၀င်ကပင် မသိရှိသေးသော၊ တစ်နည်းအားဖြင့် မျက်နှာဖြူဘုရင်ခံပင် မသိသေးသော ဤ သတင်းကို မြန်မာ့အလင်းက ဘယ်ပုံဘယ်နည်းရခဲ့သနည်း ဟူသောအတွင်းရေးကိစ္စကို ယခု ယင်းဖြစ်ရပ်သည် သက်တမ်းအားဖြင့် နှစ်ပေါင်း ငါးဆယ်ကျော် ပြီဖြစ်သဖြင့် ကျွန်တော့်အနေဖြင့် ရှင်းလင်းတင်ပြပါမည်။ ဤသတင်းကို ကျွန်တော်တို့ ၏ ကာလကတ္တားသတင်းထောက် ထံမှ ရရှိခဲ့ခြင်းဖြစ်ပါသည်။ ကာလကတ္တားသတင်းထောက်သည် မည်သူနည်း။ အခြားသူမဟုတ်ပါ. ကိုသိန်းဖေ(သိန်းဖေမြင့် ) ပင်ဖြစ်ပါသည်။ ကိုသိန်းဖေသည် ထိုစဉ်က ကာလကတ္တားတွင် ပညာသင်ကြားလျက်ရှိရာ သူ၏ စားဝတ်နေရေးအတွက် အထောက်အကူဖြစ်နိုင်သမျှဖြစ်စေရန် ကျွန်တော်တို့က ကာလကတ္တားသတင်းထောက်အဖြစ်တာဝန်ပေးပြီး လစဉ် အထိုက်အလျှောက် ထောက်ပံ့ထားချိန်ဖြစ်ပါသည်။

ကိုသိန်းဖေပို့လိုက်သော သတင်းမှာလည်း သူကိုယ်တိုင်ရေးသားပေးပို့ သော သတင်းမဟုတ်။ အမရစ်တာဘဇာထရစ်ကာ သတင်းစာတွင် ဖော်ပြထားသော သတင်းကို ကပ်ကြေးနှင့်ဖြတ်၍ လေကြောင်းစာပို့ ဖြင့်ပို့လိုက်ခြင်းဖြစ်ပါသည်။ သတင်းမှာလည်း “ဘုရင်နန်းစွန့်ြ့ပီ “ဟု တိတိကျကျဖော်ပြထားခြင်းမဟုတ်။ King Adward Abdicating ဟူ၍ နန်းစွန့်ရတော့မည့် အခြေအနေသို့ ရောက်နေကြောင်းမျှသာ ဖော်ပြထားခြင်းဖြစ်ပါသည်။ ပြည်တွင်းပြည်ပမှ ပေးပို့သမျှ သတင်းအိတ်ဟူသမျှတို့သည် ကျွန်တော် ၏ စားပွဲသို့ ရောက်ရှိရမြဲဖြစ်ကာ ဤသတင်းကို ကျွန်တော်ဖတ်ရှုရသော အခါ ဤသတင်း၏ အရေးပါမှု ကိုသဘောပေါက်သဖြင့် တာဝန်ခံအယ်ဒီတာဖြစ်သော ဆရာဦးချစ်မောင် ထံသို့ သွားရောက်ပြသခဲ့ပါသည်။

ကျွန်တော်တို့သည် အက်ဒွပ်ဘုရင်နှင့် တစ်ခုလပ်တစ်လင်ကွာ မစ္စက်ဆင်ပဆင်တို့ ၏ အချစ်ရေးသတင်းများကို လုံးစေ့ပတ်စေ့ ဖတ်ရှုလေ့လာလျက်ရှိသူများဖြစ်ရာ အက်ဒွပ်ဘုရင်၏ ခိုင်မာသော အဆုံးအဖြတ်ကိုလည်းကောင်၊ ထီးမွေနန်းမွေဆိုင်ရာ ထုံးတမ်းစဉ်လာ များကိုလည်းကောင်း ၊ဗြိတိသျှပါလီမန် ၏ ပြတ်သားသော သဘောကိုလည်းကောင်း အပြန်ပြန်အလှန်လှန် သုံးသပ်လေ့လာလျက်ရှိသူများဖြစ်ရာ အိန္ဒိယနိုင်ငံထုတ် သတင်းစာကြီး တစ်စောင်၏ ရေးသားဖော်ပြချက်အပြည့်အစုံကို ဖတ်ရှုသုံးသပ်ပြီးသောအခါ၌ ဆရာဦးချစ်မောင်သည် ရဲဝံ့သောအဆုံးအဖြတ် တစ်ခုကို ချမှတ်လိုက်ပါသည်။ “တစ်ခုလပ်တစ်လင်ကွာကို ထိမ်းမြားလက်ထပ်လျင်ထီးနန်းကိုစွန့်ရလိမ့်မည်။ ချစ်သူကိုစွန့်မလား၊ထီးနန်းကိုစွန့်မလား“ ဟူသောမေးခွန်းကို တစ်ကမ္ဘာလုံးက၀ိုင်း၍ မေးခွန်းထုတ်နေချိန်တွင် ဆရာဦးချစ်မောင်သည် သတင်းတစ်ခုကို ချန်၍ရေသားနေပြီးနောက်ခေါင်းစဉ်ကို ကိုယ်တိုင်တပ်၍ ကျွန်တော့်အား လှမ်းပေးပါသည်။ “ဒီအတိုင်း ထည့်လိုက်ဗျာ“ ဟုပြောပါသည်။ သတင်းခေါင်းစဉ်မှာ “အက်ဒွပ်ဘုရင်နန်းစွန့် လိုက်ပြီ“ ဟူ၍ ဖြစ်ပါသည်။ တစ်နှင့် နှစ် ပေါင်းလျှင် သုံးဖြစ်ရမည်ဟူသော ဆရာဦးချစ်မောင်၏ တွက်ကိန်းနှင့် ရဲဝံ့သော ဆုံးဖြတ်ချက်၊စွန့်စားခန်းတစ်ခုသည် သမိုင်းတွင်ရစ်သည့် မြန်မာ့အလင်းသတင်းစာ၏ သတင်းဦး၊သတင်းထူး တစ်ပုဒ်ကို ဖြစ်ပေါ်ဖန်တီးပေးခဲ့ခြင်းဖြစ်ပါသည်။

ဆရာဦးချစ်မောင် နှုတ်ထွက်ခြင်း

အထက်ဖော်ပြပါဖြစ်ရပ်များ ဖြစ်ပွားခဲ့ သည့်အချိန်အထိ မြန်မာ့အလင်းသတင်းစာအယ်ဒီတာအဖွဲ့သည် သတင်းစာ၏ မူဝါဒပိုင်း၊အရေးအသားပိုင်းနှင့်ပတ်သက်ပြီး ရာခိုင်နှုန်းပြည့် လွတ်လပ်ခွင့်ရရှိထားပါသည်။ မြန်မာ့အလင်းတိုက်အုပ်ဖြစ်သော မြန်မာ့အလင်းဦးတင်သည် နယ်ချဲ့ ဆန့်ကျင်ရေး အမျိုးသားလွတ်မြောက်ရေး လှုပ်ရှားမှုများဘက်မှ ပြတ်ပြတ်သားသား ရပ်တည်ထောက်ခံရေးသားလျက်ရှိသော အယ်ဒီတာအဖွဲ့ ၏ ရပ်တည်ချက်အပေါ် တစုံတရာဆန့်ကျင်ခြင်း၊ ဟန့်တားခြင်း၊စွက်ဖက်ခြင်း လုံးဝမပြုခဲ့ပါ။

သို့သော် မကြာမီပင် မြန်မာ့အလင်းပိုင်ရှင်သည် ကွယ်လွန်အနိစ္စရောက်သွားရာ မြန်မာ့အလင်းသည် သူ့အမွေစားအမွေခံများ၏ လက်တွင်းသို့ ရောက်ရှိသွားခဲ့ပါသည်။

ထိုအချိန်မှစ၍ မြန်မာ့အလင်းအယ်ဒီတာအဖွဲ့ ၏ လွတ်လပ်ခွင့်သည် ဘေးအန္ထရာယ် နှင့် တစ်နေ့ တစ်ခြားနီးကပ်လာခဲ့ပါသည်။ တိုက်အုပ်ဦးတင်သည် ဆရာဦးချစ်မောင်အား အရေးအကြောင်းရှိသော် အားကိုးတစ်ခုထားရန် အကြံပေးခဲ့သည့်အတိုင်း မြန်မာ့အလင်း တာဝန်ခံအယ်ဒီတာအဖြစ် တစ်ဖက်က ဆောင်ရွက်နေရင်း ဂျာနယ်ကျော်အပတ်စဉ်စာစောင် တစ်ခုကိုစတင်ထုတ်ဝေခဲ့သည်။ ဂျာနယ်ကျော်သည် ၁၉၃၉ ခုနှစ် မေလ ၂၇ ရက် (၁၃၀၇ နယုန်လဆန်း ၁၀ ရက်နေ့ ) တွင်စတင်ထွက်ပေါ်လာခဲ့ပါသည်။

Entry filed under: ဂျာနယ်ကျော်မမလေး, မြသန်းတင့်-ကျွန်တော်နှင့် ဂျာနယ်ကျော်မမလေး. Tags: .

မြသန်းတင့် -ကျွန်တော်နှင့် ဂျာနယ်ကျော်မမလေး (၉) မြသန်းတင့် -ကျွန်တော်နှင့် ဂျာနယ်ကျော်မမလေး ( ၁၁)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Favorite piece of quotes

Voici mon secret. Il est très simple: On ne voit bien qu'avec le cœur. L'essentiel est invisible pour les yeux.

Here is my secret. It is very simple: It is only with the heart that one can see truly; what is essential is invisible to the eyes.

Le Petit Prince (1943) by Antoine de Saint Exupéry

လတ်တလောရေးထားတာလေးတွေ

ပထမဆုံးမြင်ဖူးတဲ့ ဂျာနယ်ကျော်မမလေးပုံ

ရှုမ၀မဂ္ဂဇင်း

  • 34,436 hits

%d bloggers like this: