မြသန်းတင့်- ကျွန်တော်နှင့် ဂျာနယ်ကျော်မမလေး (၆)

April 24, 2010 at 3:36 pm Leave a comment

ကျွန်တော်တို့သည် “သူ“ ကိုဖတ်၍ လည်းကောင်း၊ဂျာနယ်ကျော်မမလေး၏ သူလိုလူကို ဖတ်၍လည်းကောင်း ဦးချစ်မောင်ကို များစွာအားကျခဲ့ကြလေသည်။ ကျွန်တော်သည် ဦးချစ်မောင်ကို သူ ၀တ္ထု မှလည်းကောင်း ၊ သူလိုလူမှ တဆင့်လည်းကောင်း စ၍သိခဲ့ခြင်းဖြစ်သည်။ ဦးချစ်မောင်နှင့် ဂျာနယ်ကျော်မမလေး တို့ လက်ထပ်ပြီး သတင်းစာဆရာဘ၀တွင် ရုန်းကန်ကြပုံမှာ ၀တ္ထု ဆန်နေသည်။ ကိုယ်ပိုင်တိုက်အိမ်၊ကိုယ်ပိုင်မော်တော်ကား နှင့် အထက်တန်းကျကျနေလာခဲ့သည့် ဂျာနယ်ကျော်မမလေးသည် ရန်ကုန်သို့ေ၇ာက်သည့်အခါတွင် သတင်းစာဆရာတစ်ယောက်၏ ဇနီးအဖြစ် ကျဉ်းမြောင်းသည့် တိုက်ခန်းလေးထဲမှာနေရသည်။ ခင်ပွန်းသည်ကို ကိုယ်တိုင်ချက်ပြုတ် ကျွေးမွေးရသည်။ ဝေလမင်းသားနန်းစွန့်သည့် သတင်းကို အစိုးရက ထုတ်ပြန်ခြင်းမပြုသေးမီ သတင်းစာထဲတွင် ထည့်သွင်းမိသဖြင့် မြန်မာ့အလင်းသတင်းစာတိုက်ကို အစိုးရက အာမခံတောင်းရာ မြန်မာ့အလင်းက အာမခံမပေးပဲ ငြင်းဆန်သဖြင့် တိုက်ကို ပိတ်လိုက်ရသည်။ ဤတွင် ဦးချစ်မောင်သည် အလုပ်လက်မဲ့ဖြစ်သွားသည်။ ဦးချစ်မောင်သည် သူကိုယ်တိုင်ကြီးကြပ်၍ ဂျာနယ်တစ်စောင်ထုတ်သည်။ ယင်းမှာ ဂျာနယ်ကျော်ဖြစ်လေသည်။

ဂျာနယ်ကျော်မမလေးသည် ဤလိုလူထူးလူဆန်း ဦးချစ်မောင်ကို ပတ်ဝန်းကျင်နှင့် လိုက်လျောညီထွေဖြစ်အောင် ပြုပြင်ပုံသွင်းပေးသည်ဟု ဆိုနိုင်လိမ့်မည်ထင်သည်။ ဦးချစ်မောင်က ရေချိုးအလွန်ပျင်းသူ၊ ဂျာနယ်ကျော်မမလေးက ရေချိုးရန် မကြာခဏတိုက်တွန်းရသည်။ ရေချိုးခန်းထဲသို့ ရောက်သွားသည် အထိစိတ်မချရသေး ။ရေချိုးသံကိုကြားရမှသာ စိတ်အေးရသည်ဟုဂျာနယ်ကျော်မမလေးက ဆိုသည်။ အိမ်သာတက်ရမှာကိုလည်း ၀န်လေးသူဖြစ်သည်။ အလုပ်မှ ပြန်လာလျင် ဂျာနယ်ကျော်မမလေးက ရေအိမ်သို့ မှန်မှန်သွားခြင်း ရှိမရှိ မေးရသည်။

မသွားသေးလျင် ရေအိမ်သို့သွားရန် မကြာခဏတိုက်တွန်းရသည်ဟု ဆိုသည်။ ဂျာနယ်ကျော်မမလေး၏ အဆိုအရ ထိုကာလများတစ်ဝိုက်တွင် ဦးချစ်မောင်သည် တစ်နေ့လျင် သုံးနာရီလောက်သာ အိပ်သည်ဟု အဆိုရှိလေသည်။ ထို ကြောင့် ဂျာနယ်ကျော်မမလေးက မိခင် တစ်ယောက် သဖွယ် ၊ သူနာပြုဆရာမတစ်ယောက်သဖွယ် သူ့ ကျန်းမာရေးကို ဂရုစိုက်သည်ဟု ဆိုသည်။

ထိုစဉ်က ဦးချစ်မောင်၏ အသက်သည် ၂၆-၂၇ နှစ်မျှလောက်သာ ရှိသေးသည့်တိုင် သူ့ခေါင်းမှာ တစ်ခေါင်းလုံးဖွေးစပြုနေသည်။ ဂျာနယ်ကျော်မမလေးသည် ဦးချစ်မောင်၏ ကျန်းမာရေးကိုသာမက ၀တ်စားဆင်ယင်ပုံကိုလည်း ပြောင်းလဲပေးလိုက်လေသည်။

ဦးချစ်မောင်ကမူသူ့ကို စာပေအရာတွင် ၀င်ဆံ့လာအောင် ရှေ့ဆောင်လမ်းပြလုပ်သည်ဟု ဆိုနိုင်သည်။ အနောက်တိုင်းစာပေ၊အရှေ့တိုင်းစာပေနှင့် ရှေးဟောင်းမြန်မာစာပေတို့ နှင့် မိတ်ဆက်ပေးသည်။

ဂျာနယ်ကျော်မမလေးသည် ဦးချစ်မောင်နှင့်အတူ ဂျာနယ်ကျော်နှင့် စစ်ပြီးခေတ်တွင် ပြည်သူ့ဟစ်တိုင်သတင်းစာကြီးကို ဦးစီးထုတ်ဝေခဲ့လေ သည်။ ၁၉၄၆ တွင် ဂျာနယ်ကျော် ဦးချစ်မောင်ကွယ်လွန်သည့်အခါ ဂျာနယ်ကျော်မမလေးသည် သမီးတစ်ယောက် ၊ သားနှစ်ယောက်နှင့် အတူကျန်ရစ်ခဲ့လေသည်။

ကျွန်တော်တို့ စတင်သိကျွမ်းသော ၁၉၄၉ တ၀ိုက်က ဂျာနယ်ကျော်မမလေးသည် အထက်တွင် ကျွန်တော်ပြောခဲ့သည့်အတိုင်း ဘောက်ထော်မှ ခြံဝင်းကြီးတစ်ဝင်းထဲရှိ တိုက်အိမ်ကြီးတစ်လုံးတွင် နေထိုင်လျက်ရှိသည်။ ထိုစဉ်က သူ့သားသမီးတွေ ရန်ကုန်မှာ တစ်ယောက်မျှ မရှိ။

ဂျာနယ်ကျော်မမလေးသည် သူ့ သမီးကြီး ခင်လေးမြင့် ၊သားကြီး မောင်သိန်းတန်နှင့် သားငယ် မောင်မိုးဟိန်း တို့ကို ဒါဂျီလင်တို့ ပို့ပြီး ကျောင်းထားလေသည်။ ထိုခေတ်ကဒါဂျီလင်သို့ ပို့ ၍ ကျောင်းထားနိုင်သည့် ဦးရေမှာ လက်ချိုးရေတွက်လျှင်ပင် လက်ငါးချောင်း ပြည့်မည်မထင်ပါ။ ဂျာနယ်ကျော်မမလေးသည် မုဆိုးမဖြစ်သည့်တိုင် မျက်နှာငယ်မခံ။ သားသမီးတွေကို နိုင်ငံခြားပို့ ၍ကျောင်းထား နိုင်အောင်လည်း တစ်ဖက်က စီးပွားရေးလုပ်ငန်းတစ်ခုကိုလုပ်ရန်ပြင်ဆင်နေသည်။ ၁၉၅၁ လောက်က တွင်လားမသိ။ ဂျာနယ်ကျော်မမလေးသည် အင်္ဂလန်လုပ်ပိန်းစက်ကြီးတစ်လုံးကိုဝယ်ကာ ပုံနှိပ်စက်ထောင်လေသည်။ ထိုပုံနှိပ်စက်ကို ရန်ကုန်ရှိ ဂျွန်ဒစ်ကဆင်ပုံနှိပ်တိုက်မှ လပေးစနစ်ဖြင့် အရစ်ကျမှာယူခြင်းဖြစ်လေသည်။ ပုံနှိပ်စက်တည်ရာ ရုံးခန်းကိုလည်း အနော်ရထာလမ်းနှင့် ၄၈ လမ်းထောင့်ရှိ တိုက်ခန်းတစ်ခုမှာ ဖွင့်ထားလေသည်။ ဂျာနယ်ကျော်မမလေးသည် ပုံနှိပ်တိုက်ထောင်ရန်အတွက် ဘောက်ထော်ရှိ တိုက်နှင့် ခြံကို ရောင်းပစ်လိုက်ပြီး အနော်ရထာလမ်းထောင့်ရှိ မြေညီတိုက်ခန်း ၂ ခန်းဝယ်လိုက်သည်။ သူကိုယ်တိုင်မှာလည်း အနော်ရထာလမ်းနှင့် ကရစ်လမ်း (ဗိုလ်မြတ်ထွန်းလမ်း) ထောင့်ရှိ ချစ်တီးဆိုင်အပေါ်ထပ် အခန်းကလေးတစ်ခန်းသို့ ပြောင်းလာလေသည်။

ဘောက်ထော်ခြံထဲတွင် ရှိစဉ်က ကျွန်တော်တို့ တစ်တွေကို အပတ်စဉ် ထမင်းစားဖိတ်ပြီး စာကြောင်း၊ပေကြောင်းဆွေးနွေးကြသည်။ သူ့မျှော်လင့်ချက်တွေကိုဖွင့်ဟတိုင်ပင်တတ်ကြသည်။

“ကျွန်မမှာလုပ်ချင်တာတွေ များနေတယ်ရှင်။ ကလေးတွေကို ပညာသင်ပေးရဦးမယ်။ သူတို့ကို ကျောင်းကောင်းကောင်းထားနိုင်အောင် အလုပ်လုပ်ရမယ်။ ကိုကို့လို တိုင်းပြည်အတွက်အသုံးဝင်မယ့် လူတော်လူကောင်းတွေဖြစ်အောင်မွေးမြူရဦးမယ်။ ဒါကတော့ ကိုယ်ရေးကိုယ်တာပေါ့လေ။ နောက်ပြီးတော့ ကိုကိုရဲ့ လက်ငုတ်လုပ်ငန်းဖြစ်တဲ့ ဂျာနယ်ကျော်ကိုလည်း ပြန်ထုတ်ချင်တယ်။ ပြည်သူ့ဟစ်တိုင်သတင်းစာကိုလည်း ပြန်ထုတ်ချင်တယ်“

“ကိုကိုဟာ ကျွန်မကို စာရေးဆရာမ၊သတင်းစာဆရာမ သိပ်ဖြစ်စေချင်တာ။ သတင်းစာလုပ်ရင်း ၀တ္ထုတွေဘာတွေလည်းရေးရမှာပေါ့။ သတင်းစာထောင်ရင် ရှင်တို့ ကျွန်မကို ၀ိုင်းကူကြနော်။ ကိုစောဦးတို့ကတော့ မရှိကြတော့ဘူး။ သတင်းစာဆရာဘ၀ကို စွန့်လွတ်သွားကြပြီထင်တယ်“

ဂျာနယ်ကျော်မမလေးသည် ကျွန်တော်တုိ့ကို စိတ်အားထက်သန်စွာပြောနေသည်။ သူ့မှာ လုပ်ချင်တာတွေ အများကြီး။ သေးသွယ်ပါးလျသည့် သူ့ကိုယ်ခန္ဓာသည် ထို တာဝန်များနှင့်ပင်မလိုက်။

“ဘယ့်နှယ်လဲ။ ရှင်တို့ ကျွန်မကို ကူမယ်မဟုတ်လား။ ကိုစောဦးကတော့ ပြန်လုပ်မယ်မထင်တော့ဘူး“

Entry filed under: ဂျာနယ်ကျော်မမလေး, မြသန်းတင့်-ကျွန်တော်နှင့် ဂျာနယ်ကျော်မမလေး. Tags: .

မြသန်းတင့်- ကျွန်တော်နှင့် ဂျာနယ်ကျော်မမလေး (၅) မိုးကလေးညိုညို

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Favorite piece of quotes

Voici mon secret. Il est très simple: On ne voit bien qu'avec le cœur. L'essentiel est invisible pour les yeux.

Here is my secret. It is very simple: It is only with the heart that one can see truly; what is essential is invisible to the eyes.

Le Petit Prince (1943) by Antoine de Saint Exupéry

လတ်တလောရေးထားတာလေးတွေ

ပထမဆုံးမြင်ဖူးတဲ့ ဂျာနယ်ကျော်မမလေးပုံ

ရှုမ၀မဂ္ဂဇင်း

  • 34,436 hits

%d bloggers like this: